Kur gazetari e bën lajmin “kurban”
[Recension: “Tahir Hani “kurbani” i radhës për Ramiz Merkon, ose… ?!”]
Në “pamundësi” për të vërtetuar idetë që i vërtiten në mendje, jo rallë, ndodh që gazetari të hedhë në letër thjeshtë hamendësime dhe vlerësime se si është ose si mund të bëhet në çështje e caktuar. Natyrisht që pa burimet përkatëse, ajo që thotë ai, nuk e arrin synimin.
Linku deri te artikulli origjinal: Tahir Hani “kurbani” i radhës për Ramiz Merkon, ose…
Data dhe koha e publikimit: 15.11.2015
Data e recensionit: 28.11.2015
Recensuese: Ferikan Iljazi
Ky koment i cili është nisur të bëhet një lajm, nuk e ka arritur qëllimin. Autori i këtij teksti ka shkruar për profilin e dy zyrtarëve të BDI-së, por edhe gjithë degën e BDI-së në Strugë që, sipas tij, po përçahet gjithnjë e më shumë. Por faktet mbi këtë përçarje autori nuk i përmend. Nuk ka as deklarata nga palët e përfshira e as nga kreu i BDI-së i cili megjithatë duhet të kontaktohet dhe t’i kërkohet prononcim. Gazetari ka shfrytëzuar mënyrën, e thuajse shumicës së portaleve, që thirren në burime anonime, për të vërtetuar tezën mbi të cilën shkruan.
“Sipas burimeve të portalit Drini.mk nga personalitete të BDI-së në Strugë, “beteja” në heshtje Merko-Hani është e gjatë, por tashmë po del në sipërfaqe, sidomos pas zgjedhjeve të forumit rinor të kësaj dege në Strugë, ku preferenca e Z.Tahir Hani dhe bashkëpunëtorëve të tij, nuk u morr parasysh madje jo-zyrtarisht thuhet se as nuk u lejua kandidatura e tij, veprim ky që ka shtuar zemërimin e Z.Hani dhe një numri të konsiderueshëm të anëtarëve të kësaj partie në Strugë, disa nga të cilët patën edhe reagime publike, duke e cilësuar kuvendin zgjedhor si antidemokratik”
Autori vazhdon edhe më tej me supozimin se për shkak të Ramiz Merkos që, sipas tij, është i favorizuar në BDI, do të pësojnë ose flijohen anëtarë të tjerë të BDI-së duke zvarritur ende lajmin pa ofruar dëshmi ose deklarata të palëve të përfshira.
“A do të jetë Tahir Hani “kurbani” i radhës për Ramiz Merkon, ose jo. Kjo pritet të shihet muajt në vazhdim kur gara politike do të ashpërsohet edhe më shumë duke pasur parasysh zgjedhjet e parakohshme që duhet të zhvillohen në muajin prill të vitit të ardhshëm.”
Në Kodin e Gazetarëve të Maqedonisë thuhet:
