Davutoglu: Çdo shkelje e kufijve të Turqisë është një shkelje e kufijve të NATO-s
Kryeministri i Turqisë Ahmet Davutoglu sot në Bruksel deklaroi se çdo shkelje e kufijve të Turqisë dhe hapësirës së saj ajrore është shkelje e kufirit të Aleancës Veriatlantike (NATO), raporton Anadolu Agency (AA).
“Kufiri i Turqisë është kufiri i NATO-s. Shkelja e kufijve të Turqisë është shkelje e kufijve të NATO-s”, tha Davutoglu pas takimit me Sekretarin e përgjithshëm të NATO-s Jens Stoltenberg.
Stoltenberg tha se Turqia ka çdo të drejtë për të mbrojtur hapësirën e saj ajrore dhe kufijtë.
“Turqia ka të drejtë të mbrojë hapësirën e saj ajrore dhe kufijtë. Ne mbështesim përpjekjet e Turqisë për të vendosur kontaktet me Rusinë”, tha Stoltenberg, pas një takimi me kryeministrin turk Davutoglu.
