Seancë e Komisionit anketues për përgjim lidhur me rregulloren e punës
Komisioni anketues për përgjim sot duhet ta vazhdojë seancën e parë, e cila para dy ditëve ishte ndërprerë pasi deputetët e partive qeveritare kërkuan koordinim për harmonizimin e rregullores së punës.
Pritet që anëtarët e Komisionit anketues sot ta votojnë rregulloren e punës, që është pika e vetme e rendit të ditës në këtë seancë.
Për tekstin e parë të Propozim-rregullores, që kryetari i Komisionit Petre Shilegov e parashtroi deri te deputetët, në seancë të martën janë parashtruar shumë vërejtje pas çka ishte kërkuar kohë plotësuese për miratimin e saj.
Komisioni anketues për përgjim është formuar sipas marrëveshjes së Përzhinos. Është përkrahur nga katër partitë politike BDI, PDSH, VMRODPMNE dhe LSDM, të cilat marrin pjesë në bisedat për dalje nga kriza politike, ndërsa me vendim të Kuvendit e përbëjnë 16 anëtarë. /MIA