Mungesa e informacionit, i bën dëm opinionit
[Recension: “Zëvendësministrat e BDI-së nuk do të kenë të drejtë për veto”]
Qartësimi i çështjeve me rëndësi dhe interes të veçantë për opinionin, e bën gazetarin profesionist. Mungesa e informacionit çon në krijimin e amullive dhe kjo e fundit dezinformon opinionin. Reagimet të cilat gazetari i ndjek, duhet t’i përcjell përtej procedurave deklarative, respektivisht deri në sjelljen e mendimit tjetër apo qëndrimit tjetër. Mos aplikimi i një praktike të tillë, e bënë autorin të njëanshëm.
Linku deri te artikulli origjinal: “Zëvendësministrat e BDI-së nuk do të kenë të drejtë për veto”
Data dhe koha e publikimit: 06.11.2015
Data e recensionit: 07.11.2015
Recensues: Adrian Kerimi
Teksti që po recensojmë, përveç që është thurur në suaza të mungesës së informacionit, gjithashtu i është bashkëngjitur një deklaratë, vërtetësia e të cilës nuk mund të përcaktohet, ose më saktësisht, nuk e ka përcaktuar ai i cili është dashur ta bëj, autori. Një gazetar profesionist, e di mirë se jo çdo reagim ka bazë për lajm.
Zëvendësministrat e BDI-së nuk do të kenë të drejtën e vetos ndaj vendimeve të ministrave, por kjo e drejtë me ligj parashihet vetëm për zëvendësministrat e LSDM-së dhe VMRO-së, që tek do të zgjedhen. Kështu njoftojnë për “Lajm” burime partiake të afërta me procesin negociator që është zhvilluar mbrëmë, para se të arrihet marrëveshja përfundimtare.
“Është me të vërtetë mjerim se si BDI pranoi një marrëveshje të tillë. është e qartë se kjo parti është peng jo vetëm te VMRO-DPMNE-ja, por edhe te LSDM-ja, sepse vetëm bënë amin për marrëveshjen për të cilën u dakorduan Gruevski dhe Zaevi.
Teksi më tej vazhdon me një ton ironie dhe spekulimi.
Ta kishit pa Ali Ahmetin i cili shitet azgan para oinionit shqiptarë se sa i urtë ishte mbrëmë do të ju vinte gjynah. Më të zëshëm në kërkesën që edhe zëvendësmistrat shqiptarë të kenë të drejtë vote ishin përfaqësuesit e PDSH-së se sa të BDI-së”, thonë këto urime që insistojnë të mbeten anonime.
Në paragrafin në vijim, përmendet një ligj i ri. Gazetari këtu ka bërë një lëshim. Fillimisht ka një marrëveshje, e njohur si “Marrëveshja e Përzhinos”, nga e cila dolën dhe ligjet specifike të cilat potencojnë qartë se cilat ministra dhe zëvendës ministra kanë të drejtë për veto dhe se një gjë e tillë vlen vetëm për një numër dikasteresh dhe ministrash dhe jo për të gjithë.
Çështja e ngritur për zëvendësministrat është e drejtë, por ajo duhej trajtuar që kur se u arrit marrëveshja. Megjithatë edhe më vonë, raportimi për këtë informacion duhet bërë i balancuar, duke përfshirë të gjitha palët dhe pa komente.
Kështu sipas ligjit të ri për qeverinë, të drejtë vote do të kenë zëvendësministri i punëve të brendshme dhe ai i financave. Këto dy poste BDI i ka lëshuar, njëri në favor të VMRO-së, tjetrin në favor të LSDM-së.
Është për keqardhje që shqiptarët nuk do të kenë as post ministri as zëvendësministri në këtë minisri seppse te njëra bëhen planet për aksionet policore, kurse në tjetrën plani për buxhetin, si dhe jepen pëlqimet për çdo punësim me vendim në administratën shtetërore.
Për të mos lënë dilema, bëhet fjalë për pesë ministri në të cilat, ministrat dhe zëvendës ministrat do të kenë të drejtë për veto. Ministria e Brendshme, Ministria e punës dhe politikës sociale, Ministria e Financave, Ministria për pylltari dhe ekonominë e ujërave si dhe Ministria për shoqëri informatike.
Autori ka vazhduar me komente personale mbi çështjet e përmendura duke mos cituar burime dhe duke dhënë konkluzione shumë subjektive.
Fakti që BDI-së kjo nuk i ka bë përhtypje, por se ka pranuar postet tua lirojë partive maqedonase, konfirmon atë për të cilën “Lajm” ka alarmuar tani vite me radhë- se BDI nuk çan kokën për aksionet policore që zhvillohen në vedbanimet shqiptare, e as për punësimet e shqiptarëve në institucionet shtetërore.
Autori i këtij teksti përveç që ka qenë jo korrekt me publikun, ai gjithashtu në përfundim të tekstit ka prekur tema tjera, të cilët nuk janë aktuale dhe janë jashtë kontekstit.
