Fshehte 3 kg kokainë në gjoks, arrestohet 22-vjeçarja

Në aeroportin e Bogotas në Kolumbi, është arrestuar një vajzë pasi gjatë kontrollit të ushtruar nga siguria e aeroportit është vërejtur se kishte lëndë narkotike.

Sipas policisë, kokaina ishte e fshehur në gjoksin e 22-vjeçares, ku rezultoi plot 3 kilogramë. Policia e aeroportit bëri të ditur, se e reja po udhëtonte nga Bogota drejt Spanjës, në momentin kur u ndalua nga siguria pasi ajo fshihte në trup diçka të dyshimtë.

Ndaj 22-vjeçares, emri i të cilës nuk bëhet i ditur rëndon akuza për veprën penale “kontrabandë droge”.