E dhimbshme: Babai hedh në det kufomën e djalit për të shpëtuar emigrantët tjerë

Një varkë me 14 emigrantë në bord është fundosur gjatë mbrëmjes së djeshme panë ishullit grek Kos, duke shkaktuar vdekjen e dy fëmijëve. Lajmi është bërë i ditur nga Roja Bregdetare Greke.

Sipas këtyre të fundit, babai i njërit prej fëmijëve të vdekur, është detyruar të hedhë në det trupin e djalit të tij 6-vjeçar – i cili rezulton i humbur – për të shpëtuar anëtarët e tjerë të familjes së tij.

Ndërkohë, brenda vitit 2017, në Europë mund të zbarkojnë edhe 3 milionë persona që mund të kërkojnë azil. Kjo vjen sipas parashikimeve ekonomike të vjeshtës të bëra të ditura nga Komisioni Europian.