MASH: Do të rikonstruohet konvikti “Goce Dellçev”
Zëvendësministri i Arsimit dhe Shkencës, Spiro Ristovski theksoi se është në fazën e përgatitjes projekti për renovimin e blloqeve të mbetura të konviktit studentor “Goce Dellçev” në Shkup.
Sipas tij, studentët nga java e ardhshme do të mund të vendosen në bllokun e rinovuar B në këtë konvikt. Ai shtoi se blloku B është rinovuar tërësisht dhe se mobilimi është në fazën e përfundimit, ndërsa studentët nga blloku A, paralelisht do të zhvendosen në bllokun B, njofton TV21.