Landi gjerman padi penale për shkak të zhdukjes së dosjes së Volkswagen-it
Landi gjerman Saksonia e Poshtme ngriti padi penale, pasi u zbulua se ishte zhdukur dosja e Volkswagen-it lidhur me një skandal me softuerin për mashtrime mbi testet e emisioneve, raporton Anadolu Agency (AA).
Anke Poerksen, zëdhënësi i Qeverisë së Saksonisë së Poshtme tha se dosja përfshinte shënime të brendshme nga qeveria në lidhje me skandalin, “emisione”, dhe se herën e fundit është parë të premten më 9 tetor. Të hënën, stafi zbuloi dosjen që mungon.
Landi i Saksonisë së Poshtme ka një pjesë të vogël të aksioneve në Volkswagen dhe guvernatori i saj është anëtar i Bordit mbikëqyrës të kompanisë. Poerksen theksoi se të punësuarit janë marrë në pyetje, por se tani për tani nuk ka rezultate konkrete nga hetimi.
Volkswagen ka angazhuar një firmë të pavarur amerikane Dita Jones për të hetuar skandalin. Në të njëjtën kohë prokurorët në Braunschweig, qytet në landin e Saksonisë së Poshtme po hetojnë se kush është përgjegjës për skandalin.
