Besimtarët muslimanë në Shqipëri falin namazin e Kurban Bajramit (FOTO)

Mijëra besimtarë të mbledhur kanë falur namazin e Kurban Bajramit në bulevardin “Dëshmorët e Kombit” në Tiranë.  Me praninë e besimtarëve muslimanë, klerikëve të këtij besimi, por dhe personaliteteve të shumta, u përcollën mesazhet e paqes dhe të harmonisë.

Pothuajse në çdo qytet të Shqipërisë, në bulevardet dhe xhamitë kryesore të qyteteve besimtarët muslimanë falin namazin e Kurban Bajramit. Ndërkohë gjatë orëve të ditës, personalitetet e ndryshme nga jeta politike, kulturore, dhe fetare do të përcjellin mesazhet e tyre të urimit për Kurban Bajramin.

Siç edhe është bërë traditë, pas riteve fetare besimtarët mulsimane vizitojnë njëri-tjetrin për të shkëmbyer urimet e festës, ndërsa ka nga ata që edhe festojnë bashkërisht në ambiente familjare.

Ndërkohë menjëherë pas faljes së namazit të Kurban Bajramşt besimtarë të shumtë, por jo vetëm, organizata humanitare dhe institucione të tjera fetare në vend pritet të bëjnë mijëra kurbane mishi i të cilave do tu ndahet familjeve në nevojë në të gjithë Shqipërinë.