Google përditëson aplikacionin Wallet për platformën iOS

Google sapo ka përditësuar aplikacionin e saj Wallet për platformën iOS të Apple. Ky përditësim ka si qëllim ti japë përdoruesve mundësinë të kërkojnë apo të dërgojnë para drejt përdoruesve të tjerë. Tanimë Google po e promovon këtë aplikacion si një mënyrë më të thjeshtë për të ndarë faturat apo shpenzimet e tjera me miqtë dhe për të dërguar para.

Në mënyrë që ky aplikacion të funksionojë siç duhet është i nevojshëm versioni iOS 7 ose ndonjë më i ri. Wallet është i disponueshëm me iPhone, iPad ose iPod. Së fundmi, Google ka rifreskuar iniciativat e saj në fushën e pagesave me lançimin e Android Pay, sistemin me anë të të cilit përdoruesit mund të paguajnë përmes në pika shitjesh direkt nga smartfoni i tyre. Më përpara këtë mundësi ta ofronte Google Wallet. Versioni Android i Wallet u lançua më herët gjatë këtij muaji. Kjo do të thotë që Google Wallet është vënë përballë rivalëve si Square ndërkohë që Android Pay konkuron drejtpërdrejt me Apple Pay.