Mos citimi i medieve nuk është profesionale

[Recension: LSDM kërkon 12 zëvendës prokuror special, VMRO është kundër]

Përvetësimi i teksteve të huaja pa citim dhe pa lejen e autorit jo vetëm që është joprofesionale, por edhe joetike. Kopjimi dhe përvetësimi zbeh besimin, ndikimin dhe perceptimin e medias nga kolegët dhe qytetarët. Sidomos sot, kur thuajse janë zhdukur të gjitha fragmentimet e publikut shqiptar në Maqedoni dhe thuajse pa përjashtim, të gjithë lexojnë dhe përcjellin si mediat në gjuhën shqipe ashtu edhe ato në gjuhën maqedonase.

Linku deri te artikulli origjinal: LSDM kërkon 12 zëvendës prokuror special, VMRO është kundër

Data dhe koha e publikimit: 09.09.2015

Data e recensionit: 15.09.2015

Recensues: Benjamin Arifi

Teksti që po recensohet është në fakt kopje e plotë e tekstit të publikuar në faqen e internetit të televizionit “24 Vesti”. Vetëm është përkthyer lajmi nga maqedonishtja në shqip dhe me asnjë fjalë nuk është cekur burimi origjinal i lajmit. Përkundrazi, gazetari e përvetëson lajmin sikur ta kishte shkruar vetë dhe tenton të marrë meritat për informacionet.

Dymbëdhjetë zëvendës prokuror për të cilët po insiston opozita të punojnë më prokurorin special për aferën “Përgjime” dhe “Puc” dhe thëniet e partisë në pushtet se këto kërkesa janë dalje prej kornizës së marrëveshjes së Przhinos, edhe më andej është mos pajtimi kryesor në bisedimet rreth prokurorit special, transmeton zhurnal.mk

Veprimet e tilla lëjnë shije të hidhur mbi reputacionin e medias, por edhe cenojnë integritetin personal e profesional të vetë gazetarit. Në aspektin etik dhe moral, gazetari duhet të respektojë kolegët, por edhe më shumë lexuesit dhe publikun të cilit i drejtohet. Jo vetëm kaq, por përvetësimi i teksteve të huaja pa citim bart edhe pasoja ligjore, për shkak të të drejtave autoriale të mbrojtura me ligj.

Nga ana tjetër, kur publiku njeh më shumë gjuhë, është e lehtë që të vihet re kur lajmi nuk është cituar.