Bejli: Të formohet sa më shpejt komisioni anketues për përgjimet
Ambasadori Amerikan në Maqedoni Xhejs Bejli, ka pasur takim me nënkryetaren e LSDM-së, Renata Deskoska, në të cilin ka shprehur kënaqësi nga arritja e marrëveshjes për përzgjedhjen e prokurorit special, ndërsa ka theksuar nevojën që sa më shpejt të formohet dhe të filloj me punë komisioni anketues për skandalin me përgjimet.
Në takim është theksuar se Marrëveshja e Përzhinos dhe respektimi i afateve të caktuar janë e një rëndësie thelbësore për mbajtjen e zgjedhjeve fer dhe demokratike dhe për zgjidhjen e krizës politike në Maqedoni.