Është gjetur trupi i pajetë i shtetasit turk në Liqenin e Mavrovës
Anëtarët e klubit speleozhytës “Vrello” nga Shkupi, dje rreth orës 16:00 pas kërkimit dyditor në ujërat e Liqenit të Mavrovës, në zonën e f. Leunovo e kanë gjetur trupin e pajetë të shtetasit turk Vatansever S.(66) nga Stambolli, informoi sot MPBja.
Trupi është gjetur në rreth 200 metra nga bregu. Vatansever S. para dy dite duke notuar drejt bregut të kundërt është zhdukur në Liqenin e Mavrovës. Prokurori publik dhe ekipi mbikëqyrës nga Stacioni policor i Gostivarit kanë dalë në vendin e ngjarjes dhe kanë kryer kontroll.
Me urdhër të prokurorit publik, kufoma është dorëzuar për autopsi.
