LSDM: Nuk ka marrëveshje të zgjidhet Prokurori Special nga prokurorët e tanishëm

Informatat e disa mediave janë të pasakta kur thonë se ka marrëveshje mes qeverisë dhe opozitës që Prokurori i ri Special të zgjidhet nga prokurorët aktual, reagon LSDM-ja.

“Pozita e LSDM-së është e qartë dhe e njohur për publikun, dhe kjo është të ketë një prokuror të ri i posaçëm me autonomi të plotë për të hetuar përgjimet të paligjshme dhe gjithçka që buron nga ai material”, thuhet në reagimin e partisë.

Çështja e prokurorit special ishte tema e takimit të së premtes të grupeve punuese të katër partive më të mëdha politike i cili përfundoi pa asnjë deklaratë për mediat.

Nga delegatët e huaj, veç Vanhojtit mori pjesë edhe ish-prokurori irlandez James Hamilton, dhe prokurori i SHBA-së për krim të organizuar dhe korrupsion John O’Saliven.

Bisedimet mbi Prokurorin Special vazhdojnë të shtunën. Prokurori Special duhet të zgjidhet deri më 15 shtator.