Në shtator në Gjermani do të mbahet konferencë shkencore për qebapët
Në shtator të këtij viti në Gjermani do të mbahet një konferencë shkencore në të cilën një numër i profesorëve dhe ekspertëve të shquar do të flasin, as më shumë e as më pak, por për qebapët, transmeton Anadolu Agency (AA).
Qendra gjermane e Hulumtimit të Universitetit Giessen, nga 24 deri 26 shtator 2015, në Giessen, do të organizojnë një konferencë shkencore me titull “Nga ‘Kebab’ në qebapë: ushqimi në Evropën Osmane”. Qëllimi i konferencës shkencore, sipas organizatorëve, është për të zhvilluar marrëdhëniet mes disiplinave akademike të studimeve turke dhe studimeve të Evropës Jug-Lindore dhe historisë evropiane.
Në këtë konferencë do të paraqiten punimet në përshkrimin e kuptimeve themelore të ushqimit në kohën osmane në Evropë dhe ndikimin e kuzhinës osmane në vendet evropiane. Pritet që studiuesit të prezantojnë punimet për mënyrën e përgatitjes dhe konsumit të ushqimit në periudhën osmane, si dhe ndikimin e saj në ndërtimin e përkatësisë sociale dhe fetare.
Studiuesit do të paraqesin veprat që ilustrojnë mënyrën e përhapjes së ushqimit nga një vend në tjetrin, me theks të veçantë se si ‘Kebab’ u bë qebap apo qofte.
Në konferencë do të flasin shkencëtarë nga shumë vende, si Gjermania, Rumania, Kroacia, Turqia, Zvicra, Hungaria, Austria dhe Bosnja dhe Hercegovina.