RDK: Ngushëllime më të sinqerta për viktimat e vërshimeve në rajonin e Tetovës

Rilindja Demokratike Kombëtare shpreh ngushiëlimet më të sinqerta për familjarët e viktimave të fatkeqësisë natyrore në rajonin e Tetovës.

Vërshimi i djeshëm në rajonin e Tetovës është një argument i fuqishëm se sa fragjil dhe i papërgaditur është i tërë vendi në përgjithësi dhe kjo na obligon të gjithëve për marrjen e hapave urgjente për përforcimin e të gjitha kapaciteteve institucionale dhe humane për përballje me fatkeqësitë natyrore.

Rilindja Demokratike Kombëtare edhe njëherë shpreh ngushëllimet më të sinqerta për familjarët e viktimave dhe për të gjith ata që kanë pësuar sadopak dëme materiale.