BE ofron ndihmë për emigrantët në Maqedoni

Bashkimi Evropian ka siguruar 90.656 euro mjete humanitare për Kryqin e Kuq të Republikës së Maqedonisë, që të ndihmojë në ballafaqimin me presionin migrues në Republikën e Maqedonisë, raporton AA.

Mbështetja është dedikuar për Kryqin e Kuq të Republikës së Maqedonisë që t’u ofrojë ndihmë rreth 4.600 njerëzve.

Ndihma është dedikuar, para se gjithash, për Qendrën e pranimit ndaj refugjatëve të cilët kërkojnë azil në Shkup. Kjo ndihmë pritet të shpenzohet për ndërhyrjen edhe ardhjen në ndihmë të atyre që vijnë përmes hekurudhave kryesore në kufirin jugor dhe verior të vendit.