Kosova aplikon për anëtarësim në UNECSO

Zëvendëskryeministri i Kosovës, Hashim Thaçi ka treguar se Kosova ka aplikuar për anëtarësim në Agjencionin e Organizatës së Kombeve të Bashkuara për arsim, shkencë dhe kulturë – UNESCO.

Thaçi, në një postim në “Facebook”, ka thënë se presin që në nëntor të bëhet pranimi i Kosovës në këtë organizatë globale.

Ja postimi i plotë:

“Sapo aplikuam për anëtarësi në UNESCO, agjencionin e OKB për arsim, shkencë dhe kulturë. Ky veprim vjen pas një konsultimi me partnerë dhe pas 130 takimeve me delegacione të UNESCO-s që kemi zhvilluar vetëm këtë vit. Është ky një hap që fuqimisht zgjeron interaksionin tonë global. Presim që në nëntor të hyjmë në këtë organizatë shumë të rëndësishme.”