Angli, tifozët kosovarë kërkojnë pranimin e Kosovës në FIFA
Gjatë ndeshjes së zhvilluar mbrëmë mes Arsenalit dhe Chelseat, një grup i tifozëve kosovarë, ka shfaqur një pankartë, me thirrjen që Kosova të pranohet në UEFA dhe FIFA.
Faqja “Accept Kosovo in FIFA and UEFA” e krijuar në rrjetin social “Facebook” ka mbledhur mbi 40 mijë pëlqime, derisa një drejtues i kësaj faqeje ka thënë për Koha.net se disa shqiptarë që jetojnë në Angli, kanë marrë iniciativën që këtë pankartë ta shpalosin në të gjitha stadiumet e mëdha angleze.
