Maqedonia nëse nuk e zgjidh krizën, do ta humb rekomandimin për në BE

Raportuesi për vendin tonë në Parlamentin Evropian, Ivo Vajgëll për televizionin “Telma” ka deklaruar se Maqedonia mund t’a humb rekomandimin për fillimin e negociatave me Bashkimin Evropian nëqoftëse nuk e zgjidh krizën politike.

Sipas tij në Bashkimin Evropian rritet skepticizmi për kapacitet demokratikë të Maqedonisë dhe është e mundshme që pas 6 viteve Maqedonia të humbë rekomandimin për fillimin e bisedimeve për anëtarësim në BE.

“Rreth asaj nuk duhet të kemi kurrfarë iluzioni. Ka shumë njerëz në BE të cilët dyshojnë se vallë Maqedonia është partner e cila në këto momente mund të bisedohet kur në atë shtet nuk funksionon Parlamenti, nëse nuk ka marrëveshje bazike për prioritet e shtetit”, thekson, Vajgëll.

Ai së bashku me deputetët Ricard Hovit dhe Eduard Kukan përmenden si lehtësues të dialogut politik në Maqedoni mes pushtetit dhe opozitës që me ndërmjetësimin e deputetëve evropian duhet të filloj deri në fund të muajit.