Siria do të mbrohet me armë që do ta befasojë botën
Ministri i punëve të jashtme të Sirisë, Valid Mualem, sot është kërcënuar duke thënë se nëse Perëndimi e sulmon vendin e tij, ajo do të mbrohet me armë që do ta befasojë gjithë botën.
Sipas tij, akuzat se qeveria siriane javën e kaluar ka përdorur armë kimike, është vetëm një alibi për intervenimin e të huajve.
Ndërkohë, sot në Londër është planifikuar seancë e parlamentit britanik e cila duhet të mbahet të enjten. Në seancë do të shqyrtohet mundësia e përgjigjes rreth dyshimit të përdorimit të armëve kimike afër Damaskut.
Mediumet raportojnë se forcat britanike tashmë kanë filluar ti marrin në konsideratë planet për një aksion të mundshëm ushtarak.