Basketbolli kosovarë pjesë e FIBA-s
Federata e Basketbollit të Kosovës është pranuar me të drejta të plota në shtëpinë më të madhe të basketbollit botëror FIBA.
Këtë vendim e ka marrë FIBA gjatë mbledhjes që mbajti sot, ku Kosova është bërë anëtari i 215 i kësaj organizate dhe e 52 në FIBA Europë.
Lajmi është konfirmuar edhe nga kryetari i FBK-së, Erolld Belegu, i cili ka uruar të gjithë përmes një postimi në Facebook.
“13 mars 2015, Kosova bëhet anëtare e 215 e FIBA-s dhe anëtare e 52 e FIBA Europe. E premte me fat. Urime Kosovë”, shkruan Belegu.
Ky është lajmi është më i miri për basketbollistët kosovarë, dyert e të cilëve do të jenë të hapur në Evropë që nga fillimi i edicionit të ardhshëm.
Kujtojmë se FBK tash e disa vite ka kërkuar anëtarësimin në këtë organizuat por ishte refuzuar, ndërsa pas ndërkombëtarizimit të Komitetit Olimpik të Kosovës janë hapur rrugët për anëtarësimin në FIBA.
