Trabzonspori mposhtë Kukësin
Është zhvilluar takimi i parë në kuadër të kualifikimeve në Europa League midis Kukësit dhe Trabzonsporit, ku ekipi turk fitoi me rezultat 2-0.
Kukësi filloi mirë takimin duke mos lejuar hapësira për ekipin mysafir nga Turqia, mirëpo në minutën e 31? akordohet penalti për Trabzonspor dhe nga pika e bardhë tregohet i saktë Mierzejewski duke shënuar për 1-0, rezultat me të cilin përfundon edhe pjesa e parë.
Në pjesën e dytë Kukësi vazhdoi takimin duke shpresuar për një barazim të mundshëm, mirëpo të gjitha gjasat për ekipin shqipëtar shuhen në minutën e 68? nga sulmuesi Paulo, i cili shënon për 2-0 pas asistimit të Mierzejewskit.
Pas këtij takimi pritet edhe ndeshja kthyese në Turqi, mirëpo shpresat për një kualfikim të mundshëm janë të pakta, ngase ndeshja zhvillohet në terrenin mysafir.