Botërori, 2,3 mln kërkesa për bileta në 24 orë

Në 24 orë pas çeljes së shitjes së biletave të Botërorit 2014, mbi 2,3 milionë aplikime për bileta kanë mbërritur në faqen zyrtare të FIFA-s.

Afati në të cilin mund të parashtrohet kërkesa për një biletë skadon në datën 10 tetor.

Më parë, FIFA ka parashikuar që Botërori i Brazilit do të ketë një kërkesë të ngjashme si ai i Gjermani 2006-s, kur vetëm një në shtatë aplikime u shpërblye me një biletë.

Aktualisht, dihet që FIFA ka pasur 372 mijë kërkesa për hyrje në ndeshjen hapëse në San Paulo dhe më shumë se 344 mijë për finalen e “Maracana”-së, në vetëm 24 orët e para të shitjes.

Totali i biletave të të gjithë ndeshjeve të Botërorit marrë bashkë është 3,3 milionë.

Ndërsa çmimi për fazën e grupeve varion në 90 dollarë ndeshja, ai do të shkojë deri në 990 dollarë për finalen e madhe të “Maracana”-së.