Arrestohet zëdhënësi i partisë së Vëllazërisë
Autoritetet egjiptiane të grusht shtetit kanë arrestuar Murad Ali, këshilltar për media i Vëllazërisë Myslimane dhe zëdhënës i Partisë së Drejtësisë. Ai u arrestua në aeroportin e Kajros. Arrestimi i tij është vijim i intensifikimit të masave shtypëse ndaj grupit më të madh islam.
Ali u arrestua para se të largohej nga Egjipti për në Romë, njoftuan burimet e sigurisë për Agjencinë Anadolu.
Emri i Murad Ali ishte vendosur në një listë të ndalim-fluturimit, me kërkesë të një agjencie të sigurisë.
Arrestimi i Ali erdhi një ditë pasi udhëheqësi i Vëllazërisë, Muhamed Badie, u arrestua në afërsi të sheshit Rabaa el Adevije./mesazhi/