Dy tërmete të fuqishme e goditën Japoninë

Dy tërmete me magnitudë prej 6,9 ballësh dhe 5,7 sipas Shkallës Rihter sot e kanë goditur Japoninë verilindore, transmetuan agjencitë botërore, duke iu referuar agjencisë nacionale meteorologjike (NMA).
Për momentin nuk ka raportime për viktima në njerëz apo dëme serioze materiale.

Tërmeti i parë i fuqishëm është regjistruar në orën 08.06 (00.06 sipas orës së Evropës së Mesme). Epiqendra e  tërmetit ka qenë 210 kilometra në lindje të qytetit bregdetar në ishullin Honshu Mijako, në prefekturën Ivate, në thellësi prej 10 kilometrave nën thellësinë e detit.

NMA menjëherë lëshoi paralajmërim për cunami, të cilën më vonë e tërhoqi. Disa orë para tërmetit, autoritetet janponeze i kanë njoftuar qytetarët që ta braktisin bregdetin verilindor.

Si rezultat i njoftimit, mijëra banorë janë evakuuar.
Tërmeti i dytë i fuqishëm, gjithashtu e goditi pjesën verilindore, transmetoi TASS.

Epiqendra e lëkundjes ka qenë në det afër bregdetit të prefekturës Ivate dhe në thellësi prej 50 kilometrave nën thellësinë e detit. Nuk ka kërcënim për cunami. Lëkundja është ndjerë në 11 prefektura të Japonisë.
Qytetet përgjatë bregdetit verilindor të Japonisë janë shkatërruar nga një cunami në mars të vitit 2011.