Zjarr në SHF “Jan Amos Komenski” evakuohen fëmijët
Në shkollën fillore “Jan Amos Komenski” në lagjen Taftalixhe në Shkup, paradite për shkaqe tani për tani të panjohura ka shpërthyer zjarr, i cili në kohë është lokalizuar.
Nga MPBja informojnë se në orën 11:30 ka pasur denoncim për zjarrin, në të cilin është djegur një hapësirë e bodrumit.
Deri në këtë moment, sipas MPBsë, nuk ka persona të lënduar. Ekipet policore dhe zjarrfikëse veç më kryejnë hetim që të konfirmohet shkaku i saktë për zjarrin.
