MASH dhe Korpusi i Paqes nënshkruajnë memorandum bashkëpunimi
Ministri i Arsimit dhe Shkencës Mr. Abdilaqim Ademi, së bashku me Drejtorin e Korpusit të Paqes në Maqedoni, Kejtlin Kori, sot nënshkruan një Memorandum për Mirëkuptim.
“Ministria e Arsimit dhe Shkencës, siç ka bërë në 18 vitet e fundit, do të jetë një mbështetje e fortë për vullnetarët të cilët do të jenë pjesë e familjeve në Republikën e Maqedonisë. Si gjithmonë, u jemi në dispozicion miqve tanë amerikanë në mënyrë që të forcohen lidhjet mes dy kombeve”, theksoi ministri Ademi.
Anëtarët e Korpusit të Paqes janë të pranishëm në Republikën e Maqedonisë që nga viti 1996, dhe prej atëherë e deri më sot, më shumë se 500 vullnetarë të Korpusit të Paqes bashkëpunojnë me kolegët e tyre nga Maqedonia. Dy vjet, vullnetarët jetojnë dhe punojnë në komunitetet lokale. Punojnë edhe në zonat urbane edhe ato rurale, në rajone ku flitet edhe gjuha maqedonase edhe ajo shqipe.