Këshilli Komunal i Strugës miratoi vendime me unanimitet të plotë
Këshilli i Komunës së Strugës ka votuar sot, pothuajse me unanimitet të plotë vendimet që kishin të bëjnë me zgjedhjen e drejtuesve të komisioneve të Këshillit dhe anëtarëve të tyre.
Me 25 vota, pro të këshilltarëve të të gjitha subjekteve politike u zgjodhën përbërjet e komisioneve të ndryshme që veprojnë në kuadër të këshillit të Komunës, ndërsa mospajtimet e vogla midis grupeve të këshilltarëve janë zgjedhur aty për aty.
Kështu, me kërkesë të këshilltarit të BDI-së, Fitni Dalipi në vend të një këshilltareje nga radhët e PDSH-së, në përbërje të Komisionit për Shënimin e Festave dhe Datave të Rëndësishme, si dhe Ndarjen e Çmimeve u zgjodh një këshilltar i BDI-së.
BDI ka insistuar që një nga anëtarët e këtij Komisoni të jetë nga radhët e kësaj partie dhe PDSH ka rënë dakord që kjo të bëhet aty për aty, vendim ky që u morr me miratimin e 25 këshilltarëve të pranishëm.
BDI ka kërkuar gjithashtu përfshirjen e saj në një Komiusion tjetër, ku ajo nuk ishte e përfaqësuar, por situata është zgjidhur pas shpjegimit se drejtuesit e komisioneve janë ndarë sipas parimit të përfaqësimit të grupeve të këshilltarëve. Kështu “Koalicioni për Strugën së bashku” do dë të drejtojë me 4 komisione, PDSH me 3, BDI me 2 dhe RDK me një komision.
Ndërkaq propozimi i këshilltarëve të PAE, që ishte në koalicion parazgjedhor me BDI-në, e që tash funksionon si grup në vete, që edhe një anëtar i këtij subjekti të drejtojë me një komision, nuk ka marrë votat e mjaftueshme për miratim.
Kjo ishte seanca e dytë e Këshillit e cila vjen pas një periudhe të gjatë negocimi për funksionimin normal të Këshillit, në kushtet, kur ende nuk është formuar shumica, si rezultat i mos arritjes së plëqimit për kolaicionim midis subjekteve politike.
Nuk dihet, nëse do të sqarohet situata në këtë drejtim, mbledhjen e ardhshme të këtij organi vendimmarrës. /Portalb