Nuk ka shpëtim nga moti i keq, reshje të shiut deri të premten
Edhe gjatë kësaj jave nuk do të ketë përmirësim të motit. E hëna filloi me diell të kohëpaskohshëm ndërsa në disa rajone edhe me reshje të shiut.
Të martën do të jetë 2 deri 3 gradë më nxehtë se dita e sotme.
Të mërkurën do të ketë sërish ulje të temperaturave ndërsa dita do të kalojë me vranësira dhe reshje të kohëpaskohshme të shiut.
Dita e enjte do të shënojë rritje të temperaturave për 4 gradë dhe dita do të kalojë kryesisht me diell ndërsa pasdite reshje të shiut.
Mot i ngjashëm do të mbretërojë edhe ditën e premte.