Howitt: Maqedonia do të marrë rezolutë pozitive nga PE-ja
“Kemi marrëveshje politike midis të gjitha partive politike në Parlamentin Evropian për amendamente kompromisi, për gjithçka përveç se për një pikë, e ajo është diçka që ndryshon shumë shpejt dhe për çka vazhdimisht na duhet azhurnim”, deklaroi raportuesi për Republikën e Maqedonisë në Parlamentin Evropian, Richard Howitt, në lidhje të votimin e ardhshëm për Rezolutën për Maqedoninë, që është caktuar për më 8 prill.
Sipas Howittit, prej 203 amendamenteve të parashtruara, kryesisht nga eurodeputetët grekë dhe bullgarë, tani ka dhjetëra amandamenet që janë bashkuar dhe të cilat për dy javë e gjysmë Komiteti për punë të jashtme (AFET) do t’i votojë në seancën e pasdites.
Deputeti britanik në Parlamentin Evropian refuzon të tregojë rreth cilës pikë nuk mund të gjendet marrëveshje, por potencoi se nuk bëhet fjalë për ndonjë pikë të madhe politike.