Zjarri kaplon një pjesë të Qendrës tregtare në Shkup
Në zjarrin që sot në mëngjes shpërtheu në Qendrën e vjetër tregtare të Shkupit, janë përfshirë një dyqan, kafene dhe një shitore për prodhime të gatshme me sipërfaqe prej 50 metrash katrorë.
Zjarri, siç njoftoi komandanti i Njësisë zjarrfikëse Shkup Bllagoja Menkovski, është lokalizuar dhe nuk është lejuar përhapja e tij.
Në shuarjen e zjarrit kanë marrë pjesë 26 zjarrfikës me 10 automjete zjarrfikëse. Ekipet e Njësisë zjarrfikëse Shkup punojnë në pastrimin e terrenit. Shkaku për zjarrin dhe vlerësimi i dëmit të shkaktuar do të bëhet pas ekspertizës së policisë