Maqedoni, rritet dyfish numri i të infektuarve me SIDË

Në prag të 1 dhjetorit, ditës së luftës kundër Sidës, grupi për përkrahjen e personave të infektuar me këtë virus konstaton se paragjykimet nuk janë kapërcyer.

 Grupi “Së bashku jemi më të fuqishëm”, paraqiti të dhëna, se numri i të infektuarve me HIV është dyfishuar këtë vit. Në vitin 2012 janë zbuluar 20 raste të reja, ndërsa sipas autoriteteve, situata bëhet më dramatike nga refuzimi i shërbimeve mjekësore ndaj tyre.

 Grupi kërkoi më shumë para nga Ministria e Shëndetësisë, për terapi ndaj kësaj kategorie. Grupi kërkoi 30 milion denarë, dhe jo vetëm 3 milion sa janë ndarë deri më tani.