CIA, largohet drejtori, kishte lidhje jashtëmartesore
Drejtori i CIA-s, David Petraeus paraqiti sot dorëheqjen në këtë funksion, duke i dërguar letër presidentit Obama në të cilën pohon se nuk është i denjë për atë funksion pasi ka pasur aferë jashtëmartesore.
Petraeus ka shkruar në letër se sjellja e tij ka qenë e papranueshme për liderin e një organizate siç është shërbimi informativ amerikan.
Mediet amerikane njoftuan se Obama ka vendosur të pranojë dorëheqjen e këtij gjenerali.
Para fillimit të detyrës së drejtorit të CIA-s, Petraeus ishte komandant i forcave ndërkombëtare në Afganistan (në foto Petraeus, me bashkëshorten e tij, duke dhënë betimin para nënpresidentit Biden).
Në postin e drejtorit të CIA-s i kaloi mbi 12 muaj, kurse karriera e tij ushtarake ka zgjatur plot 37 vjet.
