Në sulmin ajror amerikan, ka humbur jetën komandanti më i fuqishëm i Iranit
Në sulmet ajrore pranë Aeroportit Ndërkombëtar të Bagdadit është vrarë komandanti i Forcave Kuds të Gardës Revolucionare të Iranit dhe një anëtar i lartë i grupit Hashd al-Shaabi të mbështetur nga Irani, transmeton Anadolu Agency (AA).
Abu Mahdi al-Muhandis, nënkryetar i grupit Hashd al-Shaabi, apo Njësitë Popullore të Mobilizimit (NJPM), dhe Qasem Soleimani, komandant i Forcave Kuds të Gardës Revolucionare të Iranit, u vranë në një sulm me dron, sipas një kanali televiziv kombëtar të Irakut.
Të martën, mijëra protestues irakianë sulmuan Kompleksin e Ambasadës së SHBA-së duke protestuar kundër sulmeve ajrore të së dieles në Irak dhe Siri kundër milicisë Kataib Hezbollah që lanë të vdekur të paktën 25 luftëtarë.
Sulmet ajrore ishin si përgjigje ndaj një sulmi me raketa të premten në një bazë ushtarake të SHBA-së në Kerkuk, për të cilën u fajësua Kataib Hezbollah.
Sulmi i së premtes la të vdekur një kontraktor dhe plagosi katër anëtarë amerikanë të shërbimit.
