Kurti: Datën për formimin e qeverisë e përcakton LDK-ja, jo presidenti
Kryetari i Lëvizjes Vetëvendosje Albin Kurti, pas mbledhjes së Këshillit të Përgjithshëm ka folur rreth dy ftesave që i ka dërguar atij presidenti i Kosovës Hashim Thaçi, për caktimin e mandatarit për formimin e qeverisë.
Këto dy ftesa Kurti i kishte refuzuar me arsyetimin se ai nuk ndodhet në Prishtinës, transmeton REL.
Ai shtoi se datën për formimin e qeverisë e përcakton Lidhja Demokratike e Kosovës.
“Presidenti e ka përcaktuar datën e seacën kosntituive, për 26 dhjetor kur ne ishim aty dhe në kohë rekord konstatuam kuvendin, pra presidenti përcakton datën e konstituimit të kuvendit e jo të formimit të qeverisë, atë e përcakton tjetër kush, mua datën për formimin e qeverisë ma përcakton LDK-ja e jo presidenti, pra këtu nuk duhet të ketë keqkuptime”, u shpreh Kurti.
Tutje kreu i Vetëvendosjes tha se do të ketë takime të vazhdueshme me Lidhjen Demokratike të Kosovës.
“Takime do të ndodhin e me siguri që do të ketë edhe konsultime, unë do ta marrë mandatin. Ne të gjitha këto i bëjmë të ditura në kuadër të bisedimeve që bëjmë, ne kemi qëndrimin tonë, ata të tyre pasi edhe ne duam marrëveshje por edhe populli don marrëveshje”, tha Kurti.