Policia ruse ka bastisur zyrën e opozitarit Navalny
Policia ruse në Moskë ka kryer bastisje në zyrat e aktivistit opozitarë dhe themeluesit të Fondit për Luftën kundër Korrupsionit. Alexei Navalny, transmeton Anadolu Agency (AA).
Navalny në Twitter shkroi se policia kreu bastijen për të penguar xhirimin dhe emetimin e programit “Navalny Live” në kanalin e internetit në YouTube.
Ai tha se episodi i tij i javës së kaluar u ndoq nga 1.4 milion njerëz dhe se kjo nuk i ka pëlqyer autoriteteve ruse.
Zyra dhe shtëpia e Navalny edhe më parë kanë qenë objekt i bastisjeve policore, ndërsa Ministria ruse e Drejtësisë ka vendosur opozitarin Navalny në listën e agjentëve të huaj në bazë të akuzës se Fondi për Luftën kundër Korrupsionit pranon donacione të huaja.
