I mashtroi me Facebook duke ua marrë 13.000 euro

Përmes Facebook një mashtrues nga Shkupi arriti të gënjej një çift bashkëshortor kumanovarë dhe t’ua marrë 13.000 euro.

Dy bashkëshortët nga Kumanova përmes rrjetit social Facebook ishin lidhur me shkupjanin i cili u premtoi se ai mund t’ju gjejë banesë dedikuar për një çift të ri martesor në kryeqytet.
Çifti një herë i ka dhënë nga 10.000 euro gjoja për marrjen e listës pronësore dhe si pagesë për pjesëmarrje për banesën.

Shkupjani nuk u ndal këtu. Kumanovarin e bindi se mund t’i sigurojë diplomë me fakultet të kryer për detektivë, e për këtë e pagoi 3.000 euro.

Mashtrimi ka ndodhur gjatë vitit 2009 dhe 2010. Për këtë kohë çifti vërejti se shkupjani i ka gënjyer, meqë asgjë nga ajo që është premtuar deri atëherë nuk ka përmbushur.

Rastin e lajmëruan në polici ku lajmëruan dëm prej thuajse 800.000 denarëve. /portalb/