Armë pa leje në kufi, arrestohet shtetasi i Maqedonisë
Policia kufitrare në vendkalimin kufitar “Qafë Thanë” të martën pasdite ka arrestuar 31-vjeçarin V.T. shtetas i Maqedonisë, nga fshati Kalishtë i Strugës.
Arsyeja për arrestimin e personit ka qenë se gjatë kontrollit në automjetin e tij, policia shqiptare ka gjetur një pistoletë të tipit “Walther”, të cilin ai po e mbante pa leje.
Sipas mediave në Shqipëri, duke iu referuar burimeve të policisë së shtetit shqiptar, arma e tipit “Walther” u gjet nën karrigen e shoferit./Portalb