Është zhvilluar maratona në kujtim të viktimave të Murit të Berlinit
Në Berlin po zhvillohet maratona prej 161 kilometrash që ndjek gjurmët e murit famëkeq 30 vite pas rrëzimit të tij dhe përkujton mbi 600 viktimat e kohës kur qyteti ishte i ndarë, njofton Alsat M.
Maratona “Mauerweglauf” ose “100 meilen Berlin” është e gjatë fiks 100 milje dhe vrapohet deri ditën e nesërme, thekson faqja që i kushtohet këtij manifestimi dhe që zhvillohet çdo vit që prej 2011.
Numërohen rreth 650 atletë që vrapojnë rreth gjurmëve të murit që mes 1961 dhe 1989 ndante Berlinin e perëndimit nga ai lindor për të penguar arratisjet e gjermanëve që jetonin në lindje drejt perëndimit, përcjell Atsh.
Medalja që i jepet fituesve të super maratonës, çdo vit mban portretin e një prej viktimave të murit.
