Hakerat maqedonas sulmojnë ushtrinë shqiptare

Hackerat maqedonas të njohur si “Macedonian Security Crew” kanë sulmuar disa nga faqet zyrtare në Shqipëri, përfshirë këtu edhe Shtabin e Përgjithshëm të Ushtrisë shqiptare.

Mediat maqedonase sot informuan mbi sulmin, duke u thirrur në komunikimin e këtij grupi të hakerëve, mirëpo sot faqet e internetit të Shtabit të Përgjithshëm të Ushtrisë Shqiptare janë funksionale dhe pa probleme.

“MSC” ka raportuar se kishte sulmuar faqen e shtabit të përgjithshëm www.gs.mil.al, www.tradoc.mil.al, si dhe faqen e ministrisë së Ekonomisë, Tregtisë dhe Energjetikës www.mete.gov.al/album, njofton INA.

Hakerat maqedonas kanë bërë të ditur se ky sulm vjen si kundërpërgjigje ndaj djegies së flamurit maqedonas nga ana e Tifozëve Kuq e Zinj. /portalb/