U prangos sot në mëngjes, u lirua burri i Besa Shahinit, deputeti Dardan Mulliqaj
Është liruar deputeti i PSD-së në Kosovë Dardan Mulliqaj disa orë pas arrestimit. Ai u arrestua sot herët në mëngjes me një urdhër arresti të lëshuar nga Gjykata Themelore e Prishtinës.
Lajmin për lirimin e Molliqajt e konfirmoi për KosovaPress zëdhënësja e Partisë Socialdemokrate Natyra Kuçi, transmeton BallkanWeb.
“Rasti ishte dërguar në Prokurori. Deputeti Molliqaj tashmë është liruar me procedurë të rregullt”, tha zëdhënësja e PSD-së.
Ai është arrestuar në lidhje me pjesëmarrjen në protestë pas arrestimit të liderit të VV-së Albin Kurtit në vitin 2015. Deputeti në atë kohë ka qenë sekretar organizativ dhe njeri kyç i Lëvizjes Vetëvendosje.
Deputeti i PSD-së në Kuvendin e Kosovës, Dardan Mulliqaj dhe ministrja e Arsimit Besa Shahini kurorëzuan martesën e tyre pak kohë më parë.