Kurdët vrasin katër ushtarë turq

Autoritetet në Turqi kanë deklaruar se separatistët e dyshuar kurdë kanë vrarë katër ushtarë turq dhe kanë plagosur pesë të tjerë, në një sulm kundër karvanit ushtarak, pranë kufirit me Iranin dhe Irakun.

Zyrtarët e provincës Hakari thonë se militantët e Partisë së Punëtorëve të Kurdistanit (PPK) kanë përdorur bomba të telekomanduara për të sulmuar ushtarët në qakurn Kukurca.

Forcat e armatosura turke kanë vrarë më shumë se 80 militantë kurdë javën e kaluar, në një operacion të madh që ka përfshirë trupat tokësore dhe sulmet ajrore.

Partia e Punëtorëve të Kurdistanit, e cila nga Shtetet e Bashkuara dhe Bashkimi Evropian është shpallur organizatë terroriste, ka nisur betejën e armatosur për autonominë kurde në juglindje të Turqisë që në vitin 1984.