Kindle Fire HD 7 nga Amazon del në shitje sot

I shfaqur në një ngjarje mediale në muajin e kaluar, tableti Kindle Fire HD 7 nga Amazon sot do të dal në shitje me çmim prej 199 dollar.

Tableti 7 inç ka ekran me rezolucion 1280×800, kamerë HD për Skype dhe memorie prej 16GB. Ndërsa, modeli 32 gigabajtësh do të del në treg më 25 tetor të këtij viti.

Modeli 16gb konsideriohet si “tablet shumë i mirë për të kryer disa punë specifike”. Bashkë me daljen në treg të Fire HD 7, Amazon ka përmirësuar edhe modelin ekzistues të Fire i cili del në shitje sot me çmim prej 159 dollar.

Përmirësimi i Fire përfshin dy herë më shumë RAM memorie se verzioni i zakonshëm, procesor më të shpejtë dhe bateri më jetëgjatë. Amazon ka përmirësuar modelin e vjetër të Fire edhe me qëllim të qasjes në filmat X-Ray, librat X-Ray dhe aplikacionet si Immersion Reading, Whispersync dhe Kindle FreeTime.
Së fundi, Amazon ka zbritur edhe çmimin e pajisjes për leximin e librave elektronik, Kindle, me çmim të ri prej 89 dollar, për dallim nga 109 dollar, çmimi i deritanishëm. /Portalb