Prej nesër shi dhe breshër
Nën ndikimin e aktivitete të ciklonit në Mesdhe, nesër dhe gjatë fundjavës në Maqedoni do të mbizotërojë mot jostabil me reshje të kohëpaskohshme të shiut, bubullima, erë e përforcuar dhe rënie e temperaturave.
Lokalisht do të ketë paraqitje të motit të lig me reshje të rrëmbyeshme të shiut, mbi 30 litra në metër katror, breshër, zbrazje elektrike dhe erë e fuqishme. Temperatura ditore do të lëvizë prej 17 deri 25 gradë Celsius.
Nga fillimi i javës së ardhshme, moti do të jetë me vranësira me periudha të diellit dhe reshje të kohëpaskohshme të shiut. Enti për punë hidrometeorologjike rekomandon në rast të paraqitjes së zbrazjeve elektrike të mos qëndrohet në ambient të hapur apo nën pemë të vetmuara. /portalb/