Në Turqi janë mbyllur vendvotimet në zgjedhjet që po cilësohen test për Erdoganin

Në Turqi janë mbyllur vendvotimet për zgjedhjet lokale, ku të drejtë vote kishin mbi 57 milionë qytetarë.

AP përkujton se këto zgjedhje janë një test kyç për popullaritetin e presidentit turk Recep Tayyip Erdogan dhe Partia e tij për Drejtësi dhe Zhvillim në kohën e rënies të mprehtë ekonomike në vend.

Në këto zgjedhje do të përcaktohen kryetarët e ri për 30 qytete dhe 51 kryeqytete të provincave, si dhe krerët e 922 rretheve në Turqi dhe deputetët e kuvendeve lokale, transmeton KTV.

Në zgjedhjet e kaluara lokale në vitin 2014, partia e Erdoganit fitoi pothuajse 43 për qind të votave dhe mbajti pushtetin në Stamboll dhe kryeqytetin Ankara.

Zgjedhjet lokale presidenti turk i cilësoi si “një pikëmbështetje kyçe për demokracinë” dhe shtoi se suksesi i partisë së tij do t’i shtonte një “fuqi të madhe” administratës presidenciale.