Konfliktohen palët në rubrikën “Shihemi në gjyq” (VIDEO)

“Shihemi në Gjyq” u përball me një mision të vështirë këtë javë, pasi dy shokë të ngushtë janë përfshirë në një konflikt jetësor për shkak të një borxhi prej 50 mijë eurosh. Konflikt i cili u reflektua edhe gjate transmetimit ne emision.

Miqësia 30-vjeçare mes Ilias dhe Eugenit, ka përfunduar pasi Ilia i ka dhënë një borxh prej 50 mijë eurosh shokut të tij Eugenit, në këmbim të një apartamenti në një zonë afër qendrës së Tiranës, por që Eugeni nuk i ka dhënë as apartament dhe as nuk i ka kthyer borxhin, Ilias.

Duke qenë se Eugeni kishte kohë të gjatë që jetonte i fshehur për shkak të këtij borxhi, Ilia në pamundësi për ta gjetur Eugenin, i drejtohet rubrikës “Shihemi në gjyq”.

Ndërmjetësuesja, Eni Çobani arriti të gjejë se ku banonte Eugeni dhe e sjellë këtë të fundit në studio.

Mes Ilias dhe Eugenit herë pas herë pati debate të forta gjatë seancës së ndërmjetësimit, madje është dashur ndërhyrja e prezanutesit Ardit Gjebrea, që të mbajë në distancë Ilian, pasi ky i fundit i irritur tentoi të godiste Eugenin. Vetë Eugeni pranoi se 50 mijë eurot e marra borxh i ka përdorur për të larë disa borxhe të tjera dhe me pjesën tjetër të lekëve ai ka kaluar periudhën e papunësisë, por një pjesë i ka harxhuar edhe duke vënë baste, duke qenë se është një tifoz i futbollit. Eugeni 43 vjeç, i cili ka marrë borxhin prej 50 mijë eurosh nga shoku i tij prej 30 vjetësh, pra Ilia, ka jetuar për 15 vjet në “Shtëpinë e fëmijës”, për shkak se mamaja e tij nuk kishte mundësi ekonomike për ta rritur.

Gjatë kohës që Eugeni ishte në jetimore, ai vizitohej shpesh nga Tomor Kazazi, bashkëjetuesi i mamasë së Eugenit.

Eugeni për disa vite me rradhë ka menduar se babai i tij ishte Tomor Kazazi, por pas vdekjes së mamasë ai zbulon se Tomori nuk ka qenë në fakt babai i tij, por bashkëjetuesi i mamasë. Para 13 vitesh Tomor Kazazi vendosë të bëjë bashkëpronare të pronave të tij edhe bashkëjetuesen Pavlinën, pra mamanë e Eugenit, duke i shitur një pronë për një shumë prej 20 milionë lekësh. Pas vdekjes së Pavlinës, djali i saj, pra, Eugeni vendosë të kërkojë pronën e mamasë, por në  këtë moment ai përballet me një padi nga motra e Tomor Kazazit, e cila kërkon që ajo të jetë trashëgimtare e pronave të vëllait të saj.

Pra, Eugeni është paditur nga motra e Tomor Kazazit dhe me një vendim gjykate atij i kërkohet të lirojë pronën. Eugeni në fakt është bashkëpronar bashkë me motrat dhe vëllezërit e Tomor Kazazit, por me dy vendime gjykatash Eugeni ka ngelur pa pronë. Ai pritet të zgjidhë këtë problem bashkë me bashkëpronarët e tjerë.

Konflikti mes Eugenit dhe Ilias qëndron në faktin se Eugeni, nuk po bën asnjë përpjekje për t’i dhënë borxhin Ilias.

Në rubrikën “Shihemi në gjyq”, Ilia kërkoi që Eugeni të pranojë publikisht që ai i ka borxh 50 mijë euro, madje t’ia shlyejë edhe me interes, për shkak të vonesës.

Eugeni e pranoi para të gjithve se Ilia vërtetë e ka ndihmuar në periudha të caktuara të jetës. Nga ana tjetër, Eugeni pranoi që edhe ekziston një borxh i dhënë nga Ilia, por pa dokumenta.

Në fund të puntatës, Ilia dhe Eugeni firmosën kontratën, që nga dita e hënë, të shkojnë bashkë me ndërmjetësuesen Eni Çobani, para një noteri dhe të nënshkruajnë një deklaratë noteriale, në të cilën Eugeni pranon t’i shlyejë borxhin Ilias bashkë me kamatvonesat./ Tvklan.al