Dy të dënuara të grupit Pussy Riot ikin nga Rusia

Punk grupi rus “Pussy Riot” njoftoi sot se dy anëtare të tij e kanë braktisur Rusinë, pasi janë dënuar me vuajtje dënimi me nga 2 vjet burgim për “shkak të fyerjes së shefit të shtetit Vlladimir Putin”. Pesë anëtare të këtij grupi, të maskuara, në muajin shkurt kanë marrë pjesë në koncertin provokues në një kishë në Moskë, duke protestuar kundër sundimit të Putinit dhe raportit të tij të ngushtë me Kishën Ortodokse Ruse. 

Tri anëtare të këtij bendi janë identifikuar dhe më 17 gusht janë dënuar me nga dy muaj burg “për arsye të huliganizmit”. 

Grupi Pussy Riot njoftoi se dy anëtaret e tij e kanë braktisur Rusinë, “në mënyrë që jashtë vendit të angazhojnë feministe për përgatitjen e protestave të reja”. 
Grupi pohonte 12 anëtare të tij gjenden ende në Rusi, transmeton agjencia e lajmeve AP./Portalb