Ruhani: SHBA nuk ka arritur qëllimin pavarësisht të gjitha sanksioneve

Presidenti i Iranit, Hassan Rouhani, ka deklaruar se pavarësisht të gjitha sanksioneve, SHBA-të nuk e kanë arritur qëllimin e tyre, transmeton Anadolu Agency (AA).

Presidenti Rouhani në një fjalim pas takimit të bordit të kabinetit të ministrave në Teheran ka folur në lidhje me sanksionet e SHBA-ve.

“Jam i kënaqur të them se po ndjekim një sërë mënyrash për të shitur naftën dhe ne do të depërtojmë sanksionet amerikane. SHBA-të nuk e arritën qëllimin e tyre pavarësisht të gjitha sanksioneve. Edhe ata vetë e kanë pranuar që me embargot nuk ia kanë arritur qëllimit”, tha Rouhani, duke shpjeguar se SHBA po përpiqet të mbaj nën presion Iranin në çështjen e eksportimit të naftës dhe në atë të sektorit bankar.

Presidenti Rouhani mbrojti idenë e tij se “sanksionet mizore dhe të paligjshme” të SHBA-ve janë vetëm një faktor që ushtron presion ndaj popullit dhe se ata me veprimet e tyre të reja do të neutralizojnë embargot mbi çështjet bankare dhe çështjet e tjera.

– “Irani është një vend që nuk mund të fshihet nga tregu i energjisë”

Siç tha Rouhani, historinë e saj 40-vjeçare të revolucionit iranian prodhimi i energjisë është dyfishuar.

“Rezervat e naftës dhe të gazit natyror kanë arritur në shifra shumë të larta në krahasim me vitet e para të revolucionit. Sot, rezervat e reja të naftës të njoftuara nga ministri i naftës kanë treguar se Irani është një vend që nuk mund të fshihet nga tregu i energjisë”, tha Rouhani.

Rouhani shtoi se mund të garantojnë të gjithë botën se ata janë duke luftuar kundër terrorizmit dhe se do të vazhdojnë këtë luftë edhe në çështjet financiare.