Fier, merr flakë një automjet
Një automjet është përfshirë nga flakët pasditen e kësaj të hëne në lagjen “8 shkurti” të Fierit, njofton TCH.
Makina, tip Smart metarga AA 466 EG, figuron në pronësi të qytetarit Pandeli Reka nga Zhupani.
Drejtuesi i mjetit raportohet të jetë larguar nga vendi i ngjarjes, ndërkohë që nuk ka pasur të lënduar.
Në vendngjarje shkoi zjarrfikësja për të shuar flakët dhe policia me një grup hetimor për të mësuar rrethanat, deri më tani të paqarta.
